地鐵鯨吞九鐵，同香港一同成長嘅百年老店就快成為歷史，使用多年嘅九鐵商標都棄用，日後新成立嘅香港鐵路公司，唔會轉用新標誌，沿用地鐵logo，英文名繼續叫MTR。據八方了解，地鐵認為既然MTR（MassTransitRailway）解作集體運輸，所以新公司唔使改英文名，加上地鐵係上市公司，名稱logo都有啲商譽，當然唔改啦。
九鐵𠵱家個logo喺進入電氣化年代採用，老香港則可能對九鐵以前「雙九」標誌有集體回憶，好多人都試過幾十年前喺尖沙嘴九廣鐵路總站，擔住一籮籮物資排大隊，搭有呢個標誌嘅蒸汽火車返鄉下，後生仔未見過？可以去鐵路博物館睇吓。