【本報訊】八鄉菠蘿山清潭水塘前日發生野豬傷人事件，村民及行山人士昨日仍議論紛紛。據村民指出，附近一向有野豬出沒，但傷人極為罕見。但亦有行山人士表示不擔心說：「見到野豬搵路行，應該冇事。」
稱繞樹行可避野豬
昨日不停下雨，事發山頭未見野豬出現。住在清潭村數十年的邱婆婆指出，該處是野豬出沒黑點。她稱：「成日都見到野豬，以前多啲，𠵱家冇咁多。舊時山邊啲農田吸引野豬嚟搵食，試過打死幾百斤嘅野豬。」她又表示，過往極少發生野豬撞傷人事件，但出入都會盡量小心。另一名菜農蔡先生卻對事件表示不擔心，他稱：「我幅田近馬路，離山邊好遠，唔會畀野豬搞。」
昨日是星期天，有不少市民往菠蘿山遠足。伍先生夫婦攜備枴杖並帶同一頭拳師狗行山。伍先生表示，與太太每周都會行山一次，從未遇過野豬，昨日聞悉發生野豬傷人事件，覺得有點驚。在旁的妻子反而安慰他：「唔使驚，有隻狗喺度，同埋有支行山杖保護。隻狗見到野豬實會撲埋佢同佢打過。」