試過有年輕Model問我邊個係JamesDean,咁貓王呢?答案係:「哦!聽過吓!」日子一日一日咁過,後生一輩已經將好多經典人物淡忘,甚至乎從未接觸過。對8月16日這個日子,他們更顯得毫無頭緒。貓王ElvisPresley逝世30周年,本地牌子Chocoolate在這日子推出紀念Tee及Cap,今勻朱古力搭上貓王,款式有型吸引之餘,更係一個渠道,話畀班後生知「乜嘢係經典」!
記者:許維雅
攝影:陳陶鈞
Model:Keo Hair:Nicole
30周年紀念Box-set必搶
男生品牌Chocoolate繼之前以Cocktail作主題推出不少BeatlesCrossover產品之後,今個8月再以貓王ELVIS作主角。以音樂題材作為Crossover對象,看得出設計師刻意用音樂為品牌建立LifeStyle形象。今個8月,乘ELVIS逝世30周年,Chocoolate特別推出了兩款ELVIS肖像及字樣的產品,以黑白冷酷的設計保持貓王不羈的形象。配合SONY,更推出了一款限量50套的Box-set,除有一套18隻的特別版紀念CD外,更任由選擇配搭兩件Tee及一頂Cap帽,必定成為不少貓王Fans的必搶目標,更有可能將成eBay熱炒Item。
18隻CD盒裝
Box-set包括一套18隻的貓王經典金曲細碟,18隻都以貓王不同造型作封面,極具收藏價值。
30周年CD值得收藏
貓王之所以成為不死偶像,都係由音樂開始,逝世30周年,當然有不少紀念大碟配合推出。當中以收錄了52首貓王畢生代表作的逝世30周年紀念精選專輯《THEKING》最具收藏價值。雖然記者都唔係貓王Fans,但有多首金歌都耳熟能詳,好似《LoveMeTender》及《Don'tBeCruel》等。所以無論你係Fans與否,都係值得推介的不錯選擇。其次還有貓王於1973年1月在夏威夷的演唱會《ALOHAfromHAWAII》特別版DVD,以及有貓王多套經典電影作品共40首主題曲的《ATTHEMOVIES》,貓王Fans又係大出血時間。
售價點:各大CD舖
Chocoolate最新秋貨上架
一向以低調、簡單為設計路線的Chocoolate,今季同樣貫徹平實的男人味,推出大量恤衫及領呔。一律以淨色為主調,利用單雙衫袋的配襯帶出不同味道。再配襯埋布料或斜織料的幼身領呔,斯文大方又不會過份成熟老套,下身以黑牛作配搭係最佳的選擇。
店舖查詢:
ChocoolateShop(22657521)
九龍塘又一城商場L1-3號舖
(所有產品於明天開始正式公開發售)
黃志淙:永不磨滅的Rock'nRoll始祖
「雖然ELVIS不經不覺都離開咗30年,但佢對樂壇嘅影響力依然存在,佢同Beatles都可以話係唱片公司嘅寶藏。ELVIS係第一個白人將Rock'nRoll音樂文化帶起,黑人嘅音樂文化由佢演繹再而成為一種熱潮,呢份打破黑白人文化脈絡嘅始祖經典力量係永遠唔會磨滅。加上佢嗰種反叛、自我嘅味道,到𠵱家都會令人感覺有永恒青春的魅力。唔少死硬派嘅Fans必會收藏佢所有嘅碟,但我就覺得後生一輩可以買《THEKING》專輯聽吓,因為入面嘅歌全部都係佢嘅經典金曲。」
因為ELVIS所以叫ELVIN
「我細細個已經喜歡外國音樂,可以話由細聽ELVIS聽到大。更曾經改過名叫ELVIN,都係因為太鍾意佢,但又唔想畀人覺得太刻意,所以唔用ELVIS。前年我仲專登走去佢曾經拍戲嘅地方旅行,嗰度係夏威夷一個小島,一個好浪漫好靚嘅地方,我囡囡就係喺嗰度製造㗎。刻意安排?係!你話佢影響我有幾深喇!」