香港人外遊，日本通常是首選地點，「小綠子」有個有趣發現，原來很多人到日本也會購買雨傘，「點解大家去日本多數會買傘子呢？」
中國製造質素未必好
「小綠子」表示很多網民到日本後，會把掃貨的「戰利品」在網上展示公諸同好，其中一個共通點是幾乎人人都會買雨傘回港，「最少買五、六把遮，點解會買咁多呢？係咪平過喺香港買？」「豆豉仔」自稱是其中一個到日本必買雨傘回港的人，「日本啲遮款式真係好靚，好吸引。」
「西樵大餅」表示，日本雨傘可謂「平、靚、正」，「30幾蚊一把，質素仲唔錯㖭。」Hato稱有時買遮是有實際需要，「買第一把係因為遇到傾盆大雨，焗住要買，之後見到大減價，啲遮花款又靚，結果總共買咗四把返香港。」K子指日本的雨傘又便宜又輕巧，「所以每次去日本都有入貨。」
有網民表示，日本的雨傘多數在中國製造，質素未必較在香港買的好，「LaLa1997」深表認同，「無錯啲遮確係幾靚同較輕便，不過用嚟擋風就麻麻哋，我一用就吹反咗，用唔到一次就要丟。」