呢排真係俾個股巿玩死，一時升600幾點，一時又大跌，一副頹樣，搞到連姨甥仔都問我係咪好唔掂。我話大人理財嘅嘢，你哋啲細路唔識咁多。點知個小魔怪駁我嘴，話Citibank搵咗大細路劇團去佢間學校演話劇，教咗佢哋唔少理財之道。
真唔真呀？Citibank公關Anita話，之前聯同TheLearningSociety推出全新一輯兒童理財漫畫「AgentPenny及WillPower之理財任務」，仲搵埋大細路劇團去100間學校，以廣東話演繹漫畫中嘅故事情節，向10至12歲嘅小學生，灌輸儲蓄同財務預算等正確理財概念。
Anita話，由於反應好好，所以決定暑假喺中央圖書館演講廳免費公演一場，座位有300個，日期係呢個月23日上午10點45分，畀更多小朋友有機會認識基本理財概念。有興趣嘅可連同個人資料同郵寄地址，電郵至[email protected]索取門票。每人可獲門票兩張，先到先得，派完即止。查詢電話：31078029。
逢周一至周四刊出