早排「飯局主人」請咗「大粒癦」出席飯局，唔少人都奇怪，點解飯局主人無端端會搵大粒癦做嘉賓，事關嗰餐飯要係有頭有面至食得起，而大粒癦呢幾年，人氣已經由高峯下滑。
急call投訴
關仁打聽之下，原來係因為大粒癦擔正嗰部電視劇，早排擺咗喺「畀錢台」播，大粒癦好唔開心，因為始終影響人氣㗎！大粒癦除咗即刻打電話向飯局主人投訴之外，仲一日幾次奪命追魂call煩住飯局主人，狂呻當日自己拍得幾咁辛苦之餘，仲搬埋自己被前夫拋棄之後，點辛苦湊大班仔女嘅陳年往事嚟講，搞到飯局主人都買佢怕，咪惟有安排佢去飯局食番餐飯，出吓鏡當係補數囉！
Textby關仁
