狄波拉昨日接受商台電話訪問，談及孫仔及肥姐沈殿霞，拉姑稱日前曾探望患病的肥姐沈殿霞，她說：「肥姐工作咗幾十年，慣咗日日同外界接觸，病人都唔鍾意喺屋企，大家應該當佢正常，唔係咁病，等佢透下氣，唔好畀佢咁大壓力，佢身體OK，食緊藥。」至於有指狄娜稱肥姐是被欣宜的新聞屈到病，拉姑就不認同說：「如果大家真心錫肥姐就畀佢休息吓。」
孫仔眼睩睩
另方面，拉姑又大談孫仔Lucas，她說：「佢好乖，都係6磅8安士，𠵱家日日脹少少，佢唔喊，成日扮瞓覺，聽到好多聲佢就會瞓覺，冇聲就會單起一邊眼睇人，栢芝話佢夜麻麻仲眼仔睩睩。」她又指Lucas兩個酒窩似足謝賢、嘴唇似自己、眼睛似霆鋒，最靚是一雙耳朵。拉姑稱栢芝的身體很好，而孫仔中文名則交給霆鋒負責。
撰文：林妃