噚晚特登同老友牛牛調假，諗住去大球場睇巴塞，雖然明知偶像廸高唔嚟，但我已諗定着住佢件20號波衫入場。點知竟然掛8號風球，搞到場波要順延。我有冇得再放多日假去睇波，梗係no啦！不過，都要多謝醒我兩張飛嘅老友，個位仲要靚到係西看台廂座㖭！多謝你啲飛呀Vivian！
畢傑呢排黑仔，早前入場睇利物浦冇謝拉特，今次有飛都冇得睇巴塞；無緣親眼目睹偶像級球員喺場上嘅英姿，希望英超開鑼日唔好咁黑仔。有睇噚日「英超早飛王」嘅讀者，曼城下盤要跟喇!
讓球：曼城（下）
心得：黑完又嚟賭過
近5場往績：/
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。