新一季歐洲各大聯賽已經逐一開鑼！小弟今次佔據呢個「包艇」位置嘅版位，真係有啲唔高興，可以話衰到冇人有，先至會出現喺呢個位，唉……
早兩日同班朋友大戰「四方城」，其中一位好友話：「點解呢期見親擂台都係你包尾？」聽到佢咁講，成個人即刻灰晒，不過唔係話死撐，小弟次次都將注碼放喺波膽過關，如果成日中我都唔使做啦，大家話啱唔啱先？
舉個例，上季試過1個月以逾15萬分成為盟主，最衰亦試過3萬幾分埋單，拉上補下都叫做有唔錯嘅斬獲，貫徹小弟一貫刀仔鋸大樹嘅策略，中一次就可以玩足成季，有本就唔怕博啦。
今次係新賽季第一次同大家見面，推介樸茨茅夫作客贏打比郡開「上盤」，原因？升班馬打比郡唔夠班，點秤都輸啦！
讓球：樸茨茅夫（上）
心得：打比郡唔夠班
近5場往績：/
賴恩
以小博大，務求打破上季命中逾千倍波膽過關紀錄！續拒雞肋回報！