網民「小龍太子」未嘗激嬲阿媽被趕出家門，卻想知道網友有否重返家門的良方妙計，結果發現原來不少「過來人」孩提時代都擁有過這種經驗，多數會到後樓梯坐、到外婆家、求助鄰居等！
網友「GJ225」笑說當年與哥哥齊被趕出家門，遂走到後樓梯玩「猜樓梯」：「之後阿媽打開門唔見咗我哋，嚇鬼死佢！」網友「ting1202」則沒有這麼幸運：「試過有次阿媽唔知我喺樓梯，結果我就喺樓梯等咗成晚！」
扮肚痛返入屋
不過，另一名過來人「ak19975354」坦言：「我會大聲喊話：『阿媽我肚痛呀！就嚟賴屎啦！』咁就放我返入屋，搞掂我阿媽啦！以上是我細路時嘅真實個案事件，唔好笑呀！」
網友「fkp9311」竟大言不慚：「佢未扔我出門口，我已經掟咗佢出街！」非常忤逆。網友「264136936」則完全不擔心：「我太肥了！我媽應該無力搬我出去扔掉……」