8號風球吹至，港股的確應該停市，尤其隔晚美股剛狂跌387點，港股豈能獨善其身之日，更應順勢「借風」休戰。普羅散戶昨吃過午飯後，大多數已心存休市之念，情願約三數「雀友」攻打四方城好過，無奈港交所（388）也要睇天文台臉色而行事。
問題是天文台終日以港人為「玩物」，訊息發放三心兩意，既明知按颱風趨向，下午3時30分前將要改掛8號風球，消息發佈無耐，突然在下午2時30分臨開市前改掛8號！搞到普羅散戶「被迫」捱多15分鐘跌市！又因手機線路狂jam而無人聽，即係無法向經紀落order掃或掟，結果好多散戶進出未能從心所欲，怨聲載道。
發A股消息未反映
次按火燄燒至歐洲，連法國最大銀行都因而「揩嘢」，全球股市爆發崩盤，雖然歐洲央行已採低息拆出資金，但歐洲股市昨開市初段再散過。繼歐洲之後，美、日、澳洲、新加坡等國家均陸續或準備向銀行體系注資，可見次按風暴已令全球作出一次集體「救市」行動。
港股再大插646點後，50日線已失守，料將下試21000支持。星俠再望在9元至9.60元區域遺下一大爆升裂口的中石油（857），估計後市將要回補裂口，到時亦是可考慮吸納時機；「股神」稍前雖沽小量中石油獲利，但即時有「芬」進入成為股東，等同變相「接貨」。中石油已決定發A股，有關消息尚未在股價反映，故不妨趁大跌市等位低吸。