近年選美節目一蟹不如一蟹，今晚三色台嘅HK先生更乏睇頭，撇開藍鑽石唔好此道，就算選猛男，我哋體育版都有大把：要大隻嘅有筋肉人、扮鬼佬嘅有深籃，似㗎仔就有仙道彬……，意甲未開波，今晚叠埋心水睇英超囉。
講到猛男，新特蘭領隊堅尼當然係表表者，我亦相信「黑貓」今季戰績唔會衰，可惜呢隊波季前組軍唔算順利，新兵質素一般，季初可捧指數麻麻；今次迎鬥季前氣勢如虹嘅熱刺，睇好熱刺坐和望贏，熱刺少讓平/半可去馬，信心度更勝我另一場所推介嘅維拉「主勝」。
讓球：熱刺（上）
心得：黑貓季初難張牙舞爪
近5場往績：/
藍鑽石
忙於為與簡拿華路同日生的囡囡換片、掃風，但睇意甲，一場都不能少。