韓國前日喺首爾搞咗過「2007娛樂廣播招聘博覽會」，邀請咗女歌手蔡妍做表演嘉賓。經常喺台上作性感演出嘅佢，今次好精明咁着咗條熱褲打底以免出現尷尬場面。不過佢同時又揸住支光管舞來舞去，真係好易令觀眾睇到眼花花。講到當地演藝界，表面好似歌舞昇平，但查實歌壇正受非法下載等問題影響，噚日有調查報告指，超過五成國民過去一年都冇買過CD，情況令業界憂心。