日本仔真係好掂，每次國家隊打大賽，都搵班青春偶像好似係上戶彩、堀北真希、戶田惠梨香同埋新垣結衣咁，着晒國家隊波衫影相打氣，好可惜日本仔唔爭氣，今夏唔可以喺亞國盃捧盃，做唔成亞洲3冠王。計我話，如果想刺激本地球市，唔駛諗得咁複雜，一於叫各間甲組會搵Stephy、法拉同埋Twins等幫手，話唔定有意想不到嘅效果。
今日7場日職聯，一於支持吓靚女戶田惠梨香嘅出生地球隊神戶勝利船。勝利船雖則係升班馬，但主場好硬淨，今次對住磐田山葉受讓平/半，捧下盤。
讓球：神戶勝利船（下）
心得：勝利船唔會沉
近5場往績：/
青蛙仔
睇德國波同埋英國波大，大個之後攻埋日本波，兼且對日本藝能界幾有研究。