張敬軒最近被傳與表舅父張繼聰不和後，前晚兩人一起錄影無綫《勁歌金曲》時，他又指看見張繼聰一家三口如此幸福就令人憎厭。軒仔還無端自爆曾經被前輩孫耀威寸過，所以前晚他看見同門後輩關楚耀，要效法孫耀威寸他不知所謂。
張繼聰、張敬軒、洪卓立與關楚耀前晚在無綫錄影《勁歌金曲》，軒仔即場還主唱了冠軍歌《酷愛》，由於有網民指他演唱這首歌時曾經失準，前晚他解釋說：「因為呢首係新歌，所以歌詞唔係咁記得，先會失準。𠵱家科技發達，有埋YouTube做監察，真係好大壓力，表演時真係要好認真！」
自爆被孫耀威寸
張敬軒又指前晚出席的歌星之中，以他唱歌的年資最長，當他看到同屬環球旗下的後輩關楚耀只有22歲時，他突然爆出曾經給孫耀威寸過，他說：「之前我俾自己公司前輩孫耀威話我26歲不知所謂，𠵱家關楚耀得嗰22歲，我都覺得佢不知所謂啦！」
早前有傳張繼聰因搶風頭，與四小強好友方大同、王菀之及張敬軒不咬弦，前晚雙張同出現《勁歌》時，軒仔不知是否真的與表舅父張繼聰有心病，還是純粹開玩笑，他竟然說：「睇見張繼聰𠵱家有妻有兒，一家三口咁幸福，我就最憎啦！」
堅持要鬼節入伙
洪卓立前晚在《勁歌》演唱《苦行僧》，表演後他說：「最近我忙緊搬屋，原本擇咗日子喺農曆7月1日（下周一）入伙，但好多朋友都話嗰日係鬼節第一日，唔多吉利，但我覺得冇乜所謂，想入咗伙先算。」
此外，張敬軒早前為新歌《酷愛》拍攝MV，特別換了五個造型，當中以騎呢教師與電車男兩個造型比較突出，看到自己的老師造型，他說：「以前嘅生物科老師亦係一個十分古怪嘅人，佢上課只會單向咁自說自話，從來唔畀學生提問，我覺得今次扮老師，可以參考吓佢。」
採訪：楊潔雯 攝影：陳順禎
