新一季開始有幸喺版頂見報，希望畀嘅貼士幫到大家。「現在台」嘅英超宣傳多到周圍都係，淨係玩巴士廣告呢招都夠氣勢，同一隻廣告有唔同球隊，好似儲一套扭蛋咁；筆者就只係見過曼聯、雷丁同韋斯咸等6、7隊，「儲」唔齊一套。
講番盤口，周末有9場讓球平手盤，英超頭炮就有兩場，保頓對紐卡素，同埋米杜士堡對布力般流浪。「米布戰」初盤米堡屬低水，但過去3次交手主場全部輸晒，布力般季初又已經踢過圖圖盃嘅正式比賽，球員狀態唔會差得去邊，呢場要避一避。
保、紐嗰場就當然係開出保頓低水，但紐卡素季初傷兵多過籮橙，平手盤嘅因素相信可能係艾拿廸斯倒戈保頓關係，話晒熟悉以前教嗰隊波。不過，保頓主場算有保證，季前又踢過和平盃熱身，稍睇好。
讓球：保頓（平）
心得：艾拿廸斯倒戈難贏
近5場往績：/
戰鬥員A
平手盤捧主隊續係今季宗旨，想避免中鬼盤？留意我阿A啦！