「小心！尖沙嘴加連威老道有個西裝友專向妹妹仔出擊！」網民「Gucci迷」於香港討論區講述她「踢爆」呃人推銷員的威水史，獲得網友的讚賞，不過有個別網友認為那騙徒只是打工仔一名，毋須向他惡言相向。
據「Gucci迷」描述，該騙徒「身光頸靚」，一身西裝官仔骨骨，在街上截停她後，先大讚她皮膚靚，然後邀請她上公司試護膚品，並說若有興趣購買，可以入會做會員，「其實即係做佢哋公司嘅傳銷囉！跟住我同佢講，『如果你哋公司係有錢，護膚品係work的話，唔需要請啲狗屎垃圾嘅人喺條街度sell啦！』」「Gucci迷」怒罵對方後，便轉身走人，沒有被騙。
被指鬧得過火
不少網友都有同類被騙經驗，很多人盛讚「Gucci迷」鬧得好，不過「mentoszhong」認為她鬧人有點過火，「佢都係打份工啫，唔使咁寸吓！」「crazy_bb88」：「我都覺得樓主講得過份咗啲喎！唔使咁話人狗屎垃圾啩？」表現正義的網友反駁，「咁樣鬧佢，他沒有金錢損失，我相信俾佢呃嘅人會更加慘！」