電影中情侶雨中漫步十分浪漫，不過這些詩情畫意的場面，在現實生活中可能走樣，「落大雨時男朋友擔遮，兩個人一把遮，但我濕咗一半身！」網友「LittleJas」無奈濕身，男友卻力保不「濕」，她隨即質問對方，「點解只係掛住遮自己，唔遮我！」
網友「LittleJas」說日前與男友去街時遇上大雨，男友有風度地擔遮，本來兩個人一把遮很溫馨，然而她卻被雨水激起怒火，「我濕咗一半身，佢竟然無濕到，我問佢點解搞到我濕身，佢竟然話無留意，仲反問我點解唔同佢講。」
「第時點照顧我呀？」
「其實我特登沿路都唔出聲，到咗火車站先至同佢講，睇吓佢有無濕到，大家認為佢係咪唔夠細心呢？」「LittleJas」不惜濕身考驗男友，之後她還撒嬌，「問佢係咪唔愛我，所以只係遮住自己，咁第時點照顧我呀？」
大部份女網友都有類似經驗，認為見微知著，反映男人自私、只顧自己。網友「kwankwanlam」認為這種男友太粗心大意，「如果佢係細心的話，一早濕嘅係自己，而唔係你，唔使等你提先識點做啦。」
網友「koten4ever」說濕一半已算好彩，「算啦，我男友擔遮嘅話，我可以全身濕，連頭髮都濕晒囉。」有網友讚自己男友勁細心，「佢平時都帶定把縮骨遮畀我用，因為我一淋雨就病，雨點撇入嚟，會用身體擋雨。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]