雷頌德（阿Mark）老婆梁家玉（小圖）日前喺港安醫院開刀生咗兒子雷鳴，阿Mark一早請咗一星期假，日日喺醫院陪妻兒，噚日一早佢哋趁3號風球都未懸掛，就趕住全家一齊出院，佢老婆復原得好快，仲餵人奶，BB生得肥肥白白，都好健康。 阿Mark一索得男當然開心，不過佢向來事業心重，所以噚日接妻兒返屋企安頓好後，唔理已掛咗8號風球，都即刻銷假返工，努力搵奶粉錢。