曼聯周三熱身賽冇費格遜帶隊下，兩場都大獲全勝，分別送3隻光蛋畀格蘭杜蘭，同4隻光蛋畀鄧弗姆林。而最頑皮係新兵拿尼，佢對格蘭杜蘭射入埋齋波後，居然唔理禁令照打空翻慶祝，睇怕返到去實被費Sir鬧。不過因傷長唞嘅史高斯對鄧弗姆林打足全場，周日對雷丁又復出，相信費Sir嘅心情唔會太差啩！