商務印書局上個月趁書展出咗本書，叫《點燈又點火──從香港出發的胡應湘》，咁好明顯係哥頓傳啦，唔知點解商務噚日先出新聞稿介紹本書！查實呢本書早喺上年已經推出，但只得英文版，叫《TheManWhoTurnedTheLightsOn》，作者施珞雯其實係老外，洋名叫RosemarySayer，佢97至00年跟過哥頓，做公關顧問。今次年多後，中文版都終於面世喇。
作者Sayer來頭唔小
作者Sayer用咗50幾粒鐘同哥頓、哥頓屋企人同埋下屬訪談，以自傳體形記錄哥頓點樣由一個的士佬嘅仔變成亞洲基建大王嘅奮鬥事迹。
而本書裏面亦講到，哥頓細蚊仔嗰陣，響日治時期走難冇嘢食嘅事、胡忠哥頓同文新三代嘅父子關係、當年點樣響泰國蝕成百億……。
堂堂一個殿堂級華人富豪嘅一生，由一個洋婦同大家剖白，雖然Sayer來頭唔小（介紹話佢早年響袋鼠國做過記者，對亞太區著名政經界人士相當熟識喎），但佢係咪真係會明白中國人嗰種父子情同營商哲學呢？中港兩地退咗役啲記者，你哋去晒邊？