圈中模範好爸爸鄧梓峰，每年暑假都例必向無綫請大假，今年就帶同太太和四名子女到上海、韓國和日本三地旅行，希望子女可以在暑假中鬆一鬆，一家六口共享天倫之樂。
鄧梓峰早在數月前已開始為四名子女安排暑期之旅，結果選了從上海乘郵輪到韓國濟州和日本鹿兒島及長崎，長達9日的行程，全家都盡興而返。
投票選行程
梓峰說：「班細路都唔係第一次坐郵輪，佢哋都好鍾意，雖然主要喺海上航行，不過一啲都唔悶，小朋友可以參加好多興趣班。」而且，當郵輪每抵達一個國家，他們都會上岸四出觀光。梓峰特別推介在濟州到過的一個山洞，他說：「嗰度係由一個火山形成，外面同裏面氣溫相差成20度，感覺好得意。」
孖仔栢暉和松暉都喜歡在有「中國水都」之稱的周莊坐船，而長女瓊芝和幼女淑芝則愛到日本觀光。
梓峰表示因為孩子都逐漸長大，所以選擇觀光景點，也要尊重子女的意見。梓峰說：「我好多時會畀佢哋投票決定，記得喺上海返香港前，我原本想帶佢哋去浦東水族館，點知仔女一致話要去機場附近嘅野生動物園，我都係想佢哋開心，其實去邊都冇所謂。」
旅費當投資
暑假是旅遊旺季，梓峰這次全家之旅都花費不菲，他只當這些開支是投資，他笑言希望將來四名子女長大後，回饋請他環遊世界就值回票價了。
採訪：比華利
