小時候，最鍾意去酒樓食蝦餃燒賣，但點心來來去去得幾款。現時點心變化甚多，造型又別致，就連小朋友都可以一齊整。今日吳家樂就同班小朋友齊齊整公仔點心。
記者：林佩婷
攝影：陳陶鈞
烹飪指導：尖沙嘴鴻星海鮮酒家點心部主管曾繁耀師傅（23660878）
煮即食麵最考究
原來家樂細細個已有做點心的經驗：「每到過年，就幫媽咪包角仔，為咗顯示自己整嘅特別啲，我做嘅點心要唔同樣。𠵱家冇時間，只會食叮叮點心。」藝人工作真係好忙，家樂一得閒只會煮即食麵充飢，但他不是就咁掉包麵煲熟就算數：「唔同牌子嘅麵有唔同煮法。好似日本嘅會較快腍，叮叮麵或公仔麵就要煮耐少少，差唔多煮好嗰陣我一定會先試食吓夠唔夠彈牙。最重要係啲味粉唔可以放入煲內，應該放落碗再淋湯同麵先好食。」
姓名：曾繁耀
入廚經驗：28年
最拿手菜式：蝦餃、流沙奶黃包
姓名：吳家樂
入廚經驗：2年
最拿手菜式：即食麵
讀者團
姓名：Clara
入廚經驗：25年
趣事：跟食譜整叉燒包，但個皮包唔到。
女兒：Faith
最愛點心：糯米雞
姓名：Carol
入廚經驗：10年
最拿手菜式：蜆肉意粉
趣事：蒸水蛋變咗水
女兒：Michelle
最愛點心：蛋撻仔
姓名：Maggie
入廚經驗：10年
最拿手菜式：番茄炒蛋、煲湯
趣事：煎豬扒韌到咬唔到
兒子：Marco
最愛點心：叉燒包
娃娃魚餃
１hr00min
份量：30隻
材料
蝦肉粒1/2斤、鮑魚菇粒1/2斤、鳳尾蝦30隻。餃皮：澄麵21/2両、生粉1両、滾水11/2碗、紅蘿蔔汁少許
眼睛：紅蘿蔔汁/麵粉各少許
做法
1.將餃皮材料混成粉糰，分成約3錢重一粒，壓成餃皮。
2.皮面用刀輕𠝹十字紋，釀入已混合的蝦肉粒/鮑魚菇粒，再放上1隻鳳尾蝦，然後輕輕壓實皮邊。
3.用花箝於餃四角箝出魚鰭，點上眼睛後隔水以大火蒸5分鐘便成。
貼士
餡料記得不能太濕，否則很難包實。
蟹將軍
1hr00min
份量：20隻
材料
蝦肉粒5両、西芹粒2両、蟹肉2両、鹽1/2茶匙、糖11/2茶匙、果醬/油各適量
粉果皮：澄麵7両、生粉1両、滾水2碗、鹹蛋黃/豬油/食粉各少許
做法
1.粉果皮材料混和後壓成餃皮，包好蝦肉粒/西芹粒/蟹肉/鹽/糖成半圓狀，用剪刀剪出蟹腳。
2.燒熱油至有少許泡後，落餃子炸3分鐘，最後用果醬做眼睛。
貼士
若油太猛，蟹外表易焦。
企鵝餃
1hr00min
份量：30隻
材料
蝦肉粒6両、雪耳1両（浸軟切粒）、木耳3両（浸軟切粒）、鮑魚粒3両、鹽1茶匙、糖2茶匙。
白餃皮：澄麵5両、生粉2両、滾水31/3碗。
黑餃皮：澄麵5両、生粉2両、滾水31/3碗、濃縮墨魚汁3滴。眼睛：紅蘿蔔汁/麵粉各少許
做法
1.將黑/白餃皮材料分別混成粉糰，分成約3錢重一粒，壓成餃皮。
2.用白餃皮將混合的蝦肉粒/雪耳粒/木耳粒/鮑魚粒/鹽/糖包成水餃狀，剪走邊位多餘的餃皮。
3.將黑餃皮貼在白餃皮的縫合口上，並掐出口及背形狀，塗上眼睛後隔水以大火蒸5分鐘。
貼士
餡料不能放太多，否則蒸時易爆開。
章魚大師
1hr00min
份量：24隻
材料
四方公仔皮24塊、墨魚膠6両、土魷粒2両、鹽1/2茶匙、糖11/2茶匙、雞粉/胡椒粉/麵粉/水各少許、油適量
做法
1.公仔皮剪去右下角正方形備用。
2.於左下角剪約10條足鬚。將墨魚膠/土魷粒/鹽/糖/雞粉/胡椒粉拌勻成囗料後，放於公仔皮上方中央。
3.將右上角及左上角公仔皮摺向餡料，然後捲向足鬚方向，用麵粉加水成醬，黏實接口位。
4.將備用的正方形公仔皮摺成章魚頭，用麵粉醬將身及頭連接。
5.燒熱油至有蝦米泡，炸4分鐘便成。
貼士
小心注意油溫，見到有蝦米泡先落料炸。
皮點整唔會爛？
對於整點心，大家都有同一個問題：「點心皮點整先唔易爛？」曾繁耀師傅話：「整麵糰必要用滾水混和澄麵，待攤凍後再混和生粉，這樣麵糰不會變得太黏，用來包餃也不易爛。」
買定料：陳柏宇明日同你煮餸
黃金絲拌鱈魚扒
鱈魚扒2件、京葱1棵（切絲）、雞髀菇1隻、沙律菜適量、紅黃青椒各1個（切片）
鳳凰卷
雞扒1塊、蒜芯4條、明太子茸1茶匙、咖喱磚2塊、洋葱/薯仔各1/2個
黃金條
春卷皮12塊、洋葱1/2個、紅蘿蔔2條、豬肉碎600克、冬菇3隻、蛋白1隻
鵝肝帶子卷
鵝肝2片、帶子1/2隻、蘆笋1條、壽司飯80克、紫菜1片、芝麻/鹽/生粉各少許
將飯握成壽司狀時避免手黏住飯，可於事前用少許醋加水沾手。
