【最新動態】做人有時不得不賭。莫只說賭波賭馬過大海去賭場，牛市第3期散戶信身邊扮專家朋友追3、4線股、窮一生積蓄供十零廿年，買一幢2、300萬嘅樓；又或者對一個人說愛佢一生一世或者決定生育，在這小島全是一大冒險。連本地名牌補習學校，近期都以「Thebest,Ubet？」這口號，以吸引學生叫父母「科水」換成績，阿sir則揸跑車住豪宅，喺呢個商業社會從小到大，為名為利，你我都係焗賭一鋪！
打工仔可以唔博？Noway！呢個時勢，唔發奮向上遲早都被叮出局，連後生嗰陣都不思進取，睇怕都係前途似「咁」！
發一輪噏風，都係想話畀大家聽，喺香港好多人都不經不覺成為各類型嘅「賭」徒，作大冒險；但只要享受過程，總好過坐以待斃。賭波當無必勝，但〈蘋果波經〉眾名家，當然亦希望做到「Thebest,Ubet！」，新球季買我哋份報紙贏到錢啦。點先賭得開心，下周一再談。
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報