數碼達人：減肥手機Shake住嚟聽歌

數碼達人：減肥手機Shake住嚟聽歌

放暑假心情開朗，自然開懷大擦。眨眼發現肥咗一圈，都要做吓運動喇！SonyEricsson推出的新手機W580i，可以幫你計算跑步速度和消耗卡路里，最重要是邊跑步邊聽歌，Shake兩Shake仲可以轉埋歌，唔怕齋跑咁悶。
記者：馬靜兒
攝影：周旭文
Model：CC

聽得悶，Shake一Shake就變咗陳奕迅。

跑了半個鐘，消耗了260卡路里，半個魚柳包多少少咋！

日日Check住卡路里

廿多歲的女仔每日需要約1,800卡路里，但平日食零食、食Tea、食消夜，好易過磅。有時食多咗個魚柳包，即時攝取多440卡路里，不如跑步消耗番啦！但究竟要跑幾耐呢？跑步時只要將W580i放在腰間，步行計算器即可記錄日常跑步的時間、距離和時速，無論跑步、身處健身室或散步都得。你可以即時計算消耗了多少卡路里，手機更在每日午夜自動重設並記錄該天各項目之表現，畀你隨時翻查每天的運動量及所消耗之卡路里，避免身上贅肉頻生。

■有白色和灰藍色機身，女仔大多愛白色。

■距離、時間、平均速度全部一目了然。

■先輸入個人資料，如身高、體重、年紀，方便計算每日的運動量。

ShakeShake轉音樂

但有時跑步都會悶，W580i身為一部音樂手機，自然少不了音樂播放的功能。邊跑邊聽歌之餘，更可以按住「W」掣，用手Shake兩Shake，就可以自動轉歌，不必睇住手機慢慢按掣。W580i更提供TrackID音樂識別功能，只需節錄一段樂章，上傳至網上資料庫，歌曲的資料如主唱者、大碟及歌曲名稱便會傳送至手機作顯示。手機支援1GBM2記憶卡，可連續播放音樂長達20小時。

■手機可顯示唱片資料，又內建MegaBass均衡器。

■備有FM收音機。

內外撞得出色

雖然SonyEricsson不是第一次推出運動型手機，但配備運動應用程式，兼備ShakeControl搖動換曲功能，W580i就是第一部。機身輕巧，加上大玩撞色的機身，外形已經好吸引女仔。內置螢幕主題好Cutie，大玩Graphic，唔同顏色好似倒瀉水彩咁；而在更換主題時，機身更會震埋一份。

■內置不同主題的介面，Graphic的主題較活潑，介面較吸引。

■推蓋後，機背和按鍵位大玩撞色，白撞鮮橙，灰撞彩藍，型仔到爆。

■按鍵時，方向鍵和機側發出藍光，增加手機美感。

玩相框多多趣

有時無聊，女仔一定會揸手機玩Snapshot。200萬像素的影相功能唔算特別強，但W580i就內置好多不同的相框，最啱影完MMS給朋友；兼有最流行的網上相片日記功能，即時可上傳至私人Blog。W580i內置多個Java遊戲，個人最喜歡玩《TheSim2》，搭車時用來KillTime最好。

■用不同的相框影相，無無聊聊玩埋合併相都得。

■內置多個Java遊戲，最吸引是《TheSim2》和《怪誕城》。

SonyEricssonW580i

制式：GSM四頻、GPRS、EDGE
主要功能：ShakeControl搖動換曲功能、200萬像素相機、2.5倍數碼變焦、Fitness運動應用程式
記憶體：內置記憶9MB，支援1GBM2記憶卡
售價：$2,780
查詢：SonyEricsson（82038863）