成龍主演的電影《火拼時速3》（RushHour3）前晚於尖沙嘴舉行首映禮，不過主角並沒出席，電影公司邀請了蒙嘉慧、AmandaS.、周啓邦夫婦、貝安琪劉香萍母女等到場欣賞，大會並安排了一輛開篷車接載蒙嘉慧及Amanda進場兼行紅地毯。
「底衫當泳衣」
日前蒙嘉慧宣傳無綫劇集時不慎走光，她前晚說：「公司都有打畀我，問我點解咁失策，我自己都唔知，不過冇理，我都唔睇報紙。」問她是次可算是最嚴重的走光，她說：「入咗行做model咁耐，不時都會同男女model一齊換衫，着剩底衫褲都當着泳衣，其實冇乜特別。」問男友伊健可有投訴，她說：「冇特別提呢件事。」
此外，Amanda透露希望可跟成龍合作拍動作片，問她可羨慕MaggieQ打入荷李活，她說：「佢好犀利，好lucky，不過我就要學好廣東話，喺香港同內地好好發展。」
採訪：張俊銘
攝影：林德雄
