北京奧運已踏入一周年倒數階段，聯想（992）作為呢屆奧運嘅全球合作夥伴贊助商，自然大力推廣配合。聯想噚日宣佈，推出千萬客戶奧運分享計劃，攞出奧運紀念版產品、奧運門票、奧運火炬手名額資源，與中國過3500萬名聯想用家分享。
出錢出技術支持
聯想又宣佈，成為國家體育總局水上運動管理中心科技合作夥伴，以及橡皮艇、賽艇、帆船帆板、激流回旋4支國家隊嘅合作夥伴；聯想將提供科技、信息產品同資金，支持中國水上運動員備戰北京奧運會。
同時聯想亦推出限量版只有336台、印有奧運舉辦城市嘅天嬌奧運紀念機型，以及其他多個系列嘅奧運紀念品，總之全力配合啦。