韓劇福星尹恩惠嘅新劇《咖啡王子1號店》前晚第11集收視再攀升至28.4%，當晚男主角公侑終於知道尹恩惠原來係女人，所以好嬲咁強吻對方。觀眾睇得好肉緊，令前晚嘅收視成為《咖》劇播映以嚟最高嘅。另外，有指公侑已經收到韓國兵部通知，要喺今年10月9日服兵役，但佢嘅經理人公司否認件事，仲強調如果收到當兵文件，一定會即時表明立場。