劉德華前晚與乒乓孖寶李靜及高禮澤等，現身在銅鑼灣舉行的北京奧運倒數一周年儀式。華仔透露自己已入圍為08北京奧運主題曲填詞，但競爭對手強勁，包括林夕等專業填詞人，結果要等半年後才會公佈。
前日正值北京奧運倒數一周年，劉德華前晚在銅鑼灣出席「北京2008年奧運會adidas一周年倒數慶典」，港協暨奧委會會長霍震霆、乒乓孖寶李靜及高禮澤也有出席，adidas高層宣佈該品牌成為奧運合作夥伴後，華仔與對方便分組夥拍李靜及高禮澤作乒乓球友誼賽，結果華仔與李靜的一隊僅以一分之微，敗給得六分的高禮澤一隊。
奧運想睇跳水
華仔事後接受訪問時表示很久沒打乒乓球，已相約乒乓孖寶稍後齊齊練波，他說：「佢哋之前攞咗奧運銀牌，都有嚟睇我演唱會，我都睇過佢哋嘅國際賽。」華仔又表示北京奧運舉行時一定會去捧場，最想看跳水、排球及田徑等項目。
華仔說：「我已經問咗adidas攞飛，到時未知去做表演定做觀眾，總之一定安排時間去睇，之後嘅殘障奧運我都會支持。」他又透露已獲邀為奧運主題曲填詞，但入圍單位約有40多個，當中包括陳少琪及林夕等填詞人在內，華仔說：「希望可以唱到，半年後先知結果。」
此外，華仔前晚即場以奧運口號「沒有不可能」來鼓勵運動員，並在白板上寫上「everyoneisNo.1」的字句。華仔又以自己的經歷勉勵運動員說：「我入行嘅時候冇嘢做，要去餐廳酒廊唱歌，到出第一張碟，俾傳媒彈到一文不值，但我冇放棄，𠵱家可以誇口講句，我喺樂壇係有份量同資歷嘅人。」
採訪：卓寶花
攝影：陳慧安
