話說年頭意大利品牌GAS座落時裝重地銅鑼灣京士頓街，與I.T、D-mop做鄰居，初時對品牌認識的人不多，不過半年下來，得來極好的口碑，傳來的是GAS有超強的牛仔褲後台，剪裁好，用料正，物有所值，連名模陳嘉容都讚不絕口：「我好欣賞GAS，佢係一個同我一樣有個性的品牌。」
記者：胡卓琳
攝影：林栢鈞
Hair：[email protected]
窄腳牛襯白恤衫，看似簡單的配搭，卻因一粒紅色鈕扣令整體感更Stylish。
白色Ruffle背心恤衫$1,095、紅色絹面腰封及帽（未定價）、黑色窄腳牛仔褲$1,695、高踭鞋（Model'sOwn）
Bob爆秋冬
早前在佛羅倫斯舉行的GAS07秋冬花生騷，個個Model以Bob頭示人，型爆！不過香港就唔會全部ShowPiece均有售，睇中的話，去意大利時不妨順道購入。而GAS2月時於銅鑼灣開設專門店，係威係勢，搞咗個盛大開幕，更請嚟舒淇做嘉賓，之後的07春夏Show都有一大班明星Fans撐，認真大面子。
剪裁收身
GAS的品牌哲學ESSENSUAL，由Essential和Sensual兩字合成，顧名思義，就是以基本簡約+激情創新為理念。秋冬季GAS主打輕柔物料及收身剪裁的設計，盡顯女性身形曲線。牛仔褲方面，着重物料及細節，如獨特的窩釘、ToneonTone或對比顏色的縫線、刺繡等。製作用心，難怪有不少擁躉支持。
條子恤衫係GAS今季的KeyItem之一，尤其重點於領位的大蝴蝶結。
藍×白條子短袖恤衫$1,695、窄腳牛仔褲$1,395、啡色長手襪（未定價）
這條波點One-piece裙與一貫GAS的型格Style似乎有點出入，不過都算是一點點突破。
藍×紫色波點One-piece裙$1,295、灰色外套$1,095
今季有很多墨綠色Items，當中亦有皮褸，不過尚未落貨，想買就要等9月喇。
黑色吊帶背心$495、墨綠色冷背心$795、洗水牛仔褲$1,695
Eunis推介這件灰色冷背心，簡約性感，單着或襯衫着都得。
入膊露背灰色背心（未定價）、藍色窄腳牛仔褲$1,295
燈芯絨短褲似乎是冬天不可缺少的Item，GAS亦一湊呢股燈芯絨熱。
有帽灰色長袖冷衫$1,295、灰色吊帶背心$495、黑色燈芯絨短褲$895
Raw感之超長髮
今次Eunis自己充當化妝師，有多年化妝經驗，Eunis完全清楚自己點化先最靚：「我覺得GAS的產品好Cool好有個性，亦很襯我，所以我化的妝唔會用太多顏色，只係用深淺的啡色做Shading，加上長睫毛，已經足夠表現GAS那種Cool的感覺。」
髮型方面，髮型師Derrick認為額前劉海是Eunis的Icon，所以今次亦會保留，為配合GAS的造型，頭髮會特別營造較Raw的效果。先於髮根位置噴鹽水，再以風筒吹散頭頂頭髮，以令頭髮蓬鬆點，亦較有Volume效果。再在髮尾位置加上駁髮，令Eunis的頭髮看來更長更厚。
千金貼閃石手機
早前見台灣朋友個手機貼滿閃石，Eunis一見恨到爆，即刻託朋友帶晒兩部電話過去「做手術」。兩星期後得回來的是粉紅同金色的驚喜，貼滿佢最愛的BlingBling閃石！貼石價每部台幣$8,000（約$1,900），千金難買心頭好，Eunis覺得值。
經常幫各大品牌做Model行Show，當然儲落不少Credit，好似之前AnyaHindmarch的話題環保袋，舖頭未出，有關方面就率先送一個畀Eunis，Eunis仲話個袋好好用，夠方便。
GAS（22455168）
銅鑼灣京士頓街2-4號地下及1樓3號舖（以上貨品8月中有售）