林文龍噚日接受商台電話訪問，佢日前有份乘搭由上海返香港嘅港龍客機，當時飛機因為連番事故，足足遲咗近12小時先返到港，林文龍形容嗰日凌晨4時多返到屋企，太太郭可盈好似見到一條屍咁，可想而知林文龍嘅臉色係相當之差，而佢講番件事時仍然怒氣難消，佢話雖然無意叫航空公司賠償，但一定會寫信去投訴。