曾特首喺舊年份施政報告提到，話要籌辦「亞洲金融論壇」，講講吓快一年，原來已經喺外國傳媒賣緊廣告宣傳。
論壇將會喺9月21日喺灣仔會展舉行，請咗3個金融界人士做主講嘉賓，包括世界銀行前行長沃爾芬森、國際貨幣基金組織理事卡如納（JaimeCaruana）及中國人民銀行行長周小川。其他講者包括國家開發銀行副行長高堅、工行（1398）董事會秘書潘功勝、滙豐（005）投資投資銀行主管歐智華、全國社保基金投資部嘅劉昌林，同埋我哋嘅任總任志剛。
據論壇網頁話，呢個同貿發局合辦嘅論，係為世界知名嘅金融界同商界領袖提供一個高層次互動平台，討論亞洲金融市場發展及趨勢。
論壇會邀請約600位業界知名人士參加，包括中央銀行行長、政府高官，以及國際金融機構決策人。每位收費300美元（約2300港銀），唔知賺唔賺得番呢？