新奧燃氣（2688）母公司喺05年10月先分拆搞燃氣集成設備業務嘅安瑞科（3899）喺創業板上市，唔夠9個月就轉去主板。最近又有新動作，安瑞科控股主席王玉鎖更減持42.18%股權，賣畀喺深圳掛牌嘅中國國際海運集裝箱集團。
單deal完成咗，王總仲揸住9.61%。點解唔賣晒？王總答，非常睇好安瑞科嘅前景，中集出幾高價錢都唔會賣，皆因幾經辛苦先𦧲到有得留低，會長揸唔放。佢仲話，中集喺製造業方面好勁，割愛對安瑞科長遠發展肯定係好事。既然搵到個好行家（中集有做化工罐，同安瑞科算係同行），唔通唔嫁咩。
講番新奧集團，較早前佢哋嘅董事局主席代理鄒本真話，佢哋有意整合多個化工業務，成立控股公司喺海外上市。集團董事長王玉鎖噚日堅稱冇咁嘅打算，仲話鄒本真嘅言論只係個人意見，不代表集團立場喎！