蔡卓妍日前接受商台節目錄音訪問，大談愛情觀。佢覺得男友有冇錢唔係佢嘅擇偶條件，佢話：「如果自己冇錢就會考慮搵個老公養得起我，但𠵱家又唔係冇錢，如果要咁多條件，好難搵男友，就算對方窮都唔緊要，但要窮得有骨氣，我唔介意畀錢男友使，但佢要上進，自己𠵱家唔會嘥時間，搵男友都會將佢諗成結婚對象。」