曾改編大馬歌手光良首《童話》嘅日本男歌手中孝介，噚日喺東京出席「中日文化體育交流年」發佈會。活動係紀念中日外交關係正常化35周年，當日中孝介同內地女歌手韓雪合唱主題曲《不需要語言》，佢話：「希望我的歌對中日交流能起正面作用。」中孝介先後同過劉德華等兩岸三地歌手合作，10月仲會喺台北開個唱。