由畢國智執導、房祖名主演的電影《戰．鼓》將參與第60屆盧卡諾國際電影節，該戲將於可容納8,000千人、位於瑞士貝林佐納的露天劇院PiazzaGrande舉行首映禮，並連同另外9齣電影一起由觀眾投票，選出「我最喜愛電影」獎，祖名昨早便乘飛機出發到瑞士，他說：「我心情好興奮，第一次去瑞士，希望睇得晒10部戲。」
酒量勝樂仔
祖名早前與余文樂夜蒲被拍照，問他在瑞士會否夜蒲？祖名謂：「唔會啦，有導演陪我睇戲。嗰次係套戲喺北京成績唔錯，我哋去慶祝咋。」他的酒量是否比余文樂好？祖名說：「我哋互相幫手頂酒，不過我勁啲，我仲扶佢去第二場。」祖名表示已送了一部嬰兒車給謝霆鋒的兒子，他說：「本來想送奶嘴，但最後買咗BB車，好貴，最好佢第時用完畀番我，我睇邊個啱使再送畀人。」
採訪、攝影：胡比