由本地多位外籍名模包括LisaS.及AnaR.等赤裸上陣拍攝的慈善年曆，現正熱賣中，日前LisaS.在中環接受訪問時表示打算延續這概念，或許下次替愛護動物基金會籌款時考慮赤裸與動物合照。問她會否有日與男友吳彥祖齊為慈善赤裸示人，她指這事或許有日會成真。
多位外籍名模包括LisaS.、AnaR.、Rosemary及「翻版關之琳」Joycely等齊赤裸上陣拍攝的慈善年曆，現正在HMV及LisaS.有股份的酒吧RacksMDB發售。日前Lisa及Ana齊在中環接受記者訪問，Lisa說：「呢次嘅年曆扣除成本後，所有收益都會捐畀乳癌基金，所以我哋個個女仔都遮住個胸。我哋希望可以籌到25萬，𠵱家已經籌到10萬蚊啦，成績比預期中好，遲啲我哋仲會喺HMV舉行簽名會。」
搵芝娃娃遮胸
問Lisa只有兩個售賣點會否滲透力不夠？她說：「始終我哋身份係模特兒，都有class，唔想擺喺7-11呢啲便利店賣，同啲鹹濕書擺埋一齊。」她又說：「我哋成班女仔想將呢個概念延續，每次影輯相出寫真會捐錢畀唔同嘅慈善機構，或者下次同愛護動物基金會合作，我哋會拎住兩隻芝娃娃狗仔遮住個胸呢？同埋我覺得香港嘅沙灘好靚，都好想喺沙灘影輯相。」
問除了狗外，還有興趣跟甚麼動物留影？Lisa說：「只要唔係蛇就得啦。」再問她有否想過跟男友吳彥祖齊拍裸照？她說：「唔，或者有一日會實現嘅。」
本地女模保守
另外這次年曆的模特兒清一色是外籍模特兒，Lisa指她曾聯絡一些本地模特兒，但她們均較保守，指要看看這次年曆的效果才會考慮，她說：「我都有搵過Gaile（樂基兒），但嗰時佢喺紐約，所以推咗我哋，唔關佢男友事。」
採訪、攝影：DebbieLum
