台灣人氣組合五月天噚日喺上海正大廣場，出席簽約儀式及演唱會預熱版大型歌友會記招，佢哋着住黑白為主嘅服飾，主音阿信（左二）仲着上印有佢哋成員頭像嘅恤衫，認真特別。而佢哋簽約嘅高邦高層仲送上一份神秘大禮畀五子，原來就係高層為佢哋訂做嘅五套服裝，佢哋仲即時着上身，搞到現場歌迷興奮得尖叫起來。