90年代家喻戶曉的童星小柏林（鄭柏林），今年初投考督察，立志除暴安良，經歷過五關斬六將後，柏林日前已獲正式取錄，並於本月初開始接受為期36星期的艱苦訓練，預計明年6月便可以投入社會，為市民服務，成為全港市民也熟識的一位新紮師兄。
現年21歲的柏林，曾經是90年代當紅童星，但他對演藝工作並未有絲毫眷戀，今年香港大學畢業的他，一心希望加入警隊為市民服務，是以今年初他投考督察，經過筆試、延續面試及體能測試等遴選程序後，原來柏林已獲正式取錄，昔日活潑可愛的小柏林，很快便會成為市民公僕。
接受36周訓練
日前柏林接受電話訪問時興奮地說：「早幾日接到通知叫我幾時入去受訓，都幾期待、幾開心㗎，不過，訓練完之後都仲要考試，考試及格後先至正式畢業。」問他可擔心為期36個星期的訓練過程會相當辛苦，柏林說：「屋企人都有話天氣熱，叫我小心啲，但我相信應該唔會太辛苦嘅。不過我就同自己講，有得享受就享受吓、攤唞吓，所以早排我都去咗外地旅行，好似泰國、海南島同澳門咁。」
柏林近日除忙於選購日用品準備受訓外，更把頭髮剪短，並趁空檔跟朋友和同學見面，可謂忙得不可開交，他說：「之前太忙，好多朋友同同學都好耐冇見，嚟緊要受訓同讀書嘅話，更加冇時間見面，所以咪趁機會見吓，大家聚一聚。」
11月領取學位
另外，柏林月前大學考試已順利完成，問他成績如何時，他說：「成績都OK，達到自己期望，到11月左右就會有學位頒授儀式。」
採訪：戴彩煥
