呢幾日唔係酷熱警告就落大雨，車報員為免日曬雨淋，寧願匿喺屋企挖料，收到好多同車行有關嘅風，而且好多仲係同德國BMW有關嘅㖭！
記者：車報員
曾經同大家提過，灣仔告士打道大新金融中心地下，將會有間新嘅Showroom開幕，但當時未證實到係邊間代理進駐，直到近日門口貼出BMW三個大字，答案才得以揭曉！佢哋仲會開設官方認可嘅二手車中心，實行自己賣埋二手車，以求畀更大信心用家。
車報員覺得最吸引嘅，都係專為5系推出全新Executive入門版，雖外形同機械配搭上跟原來嘅5系差唔多，但刪減咗定速巡航系統、天窗及電動尾簾等豪裝，令車價平咗約5%，其中523iA就賣$499,000，相比普通版平咗近三萬！較高級嘅525iA及530iA，音響系統由原來10個喇叭改成6個，車價減幅更達$39,000及$60,000，售價分別為$539,000同埋$629,000！