「我好矮，決定去做駁骨增高手術。我考慮咗成年，因為我咁嘅高度，冇女仔會要我，所以去做手術。」網民JACK_BAUR為了追求愛情，不惜進行斷骨傷筋大手術，網友都勸他不要自殘身體，「好多女仔搵男朋友，睇錢、職業多過睇高度㗎。」
據JACK_BAUR自述，他今年25歲，身高150cm，他對自己的高度很不滿意，「男人的高度係自信其中一個來源，男人冇高度，仲叫男人嗎？就好似女人想整容，想整大個胸，都係想有自信。」
手術失敗會殘廢
雖然很多網友稱一個人的身高不重要，最重要是有內涵，但他不以為然，「呢啲嘢你哋女仔邊會明？而且一出街大部份女仔都高過我，你會明白呢種自卑的感受嗎？」
不少機構賣廣告聲稱可進行增高手術，JACK_BAUR表示已詳細研究有關資料，理解有嚴重後遺症，「日後可能跑唔到步，同埋會勁痛，因為要打斷腳骨，我上網睇到有啲人手術失敗，雙腳殘廢，我知大陸有得做，聽講要成10萬蚊，香港有冇得做？」
一名自稱比JACK_BAUR更矮的網友說，已接受自己身材矮小的事實，並說可以有其他方法吸引女孩子，「學玩魔術囉，一定好多女仔會鍾意，這個世界唔係個個女仔都咁介意高度，識得欣賞別人內在美的女仔，先至係好女仔。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]