呢排家姐畀佢個小魔怪煩死，纏住家姐話要去朗豪坊同阿森一家五口影相，玩拋冬甩遊戲，想贏番個阿森一族爆谷機，返屋企自己整爆谷食；仲話今個月16日就截止。
咁好玩？朗豪坊公關Maisie話，今次商場斥資數十萬元，喺四樓通天廣場搭建咗「朗豪坊x阿森一族」主題電影院，等啲大人細路可以同阿森一族擺個睇戲甫士拍照。另外，喺場內消費滿200蚊可參加拋冬甩遊戲，贏取阿森一族爆谷機連杯組合、限量版杯墊等。
Maisie又話畀啲着數我嘅消費blog粉絲，唔使玩遊戲都可以有阿森一族嘅獎品，包括爆谷機組合及爆谷機各一份、杯墊兩份、特別版紙扇20份。有興趣朋友可以寫低姓名、電話同埋註明「蘋果消費blog讀者索取禮物」字樣，電郵[email protected]，記住寫清楚要邊款禮物喎，先到先得。查詢：21482160。
逢周一至周四刊出