孫柏文有個女性後輩，係今屆會考生，屋企有錢，老竇有錢有如李國章，仲要個樣有幾分姿色，平時讀書品學兼優。不過佢母親唔肯送佢去外國讀番書，原因係怕佢「貞節不保」，就算佢同媽媽解釋，留喺特區都可以……阿媽都好似話冇談判餘地，就連解釋話特區冇佢想讀嘅科目，阿媽都企硬。
不過今日我想恭喜佢，因為佢「涉嫌造馬」，今次會考應該凶多吉少。如果佢冇計算錯誤，父母冇得揀之下，都要送佢去外國讀書。佢亦終於可以如願以償。如果你老竇唔係李國章，今日成績又炒咗，實不相瞞，todayisgoingtobearealshittyday。不過我想同你講，孫柏文完全知道你呢刻嘅感受，因為我都曾經試過。香港係個非常特殊嘅社會，如果你有實力、好勤力，最終一定可以發達。
後記：BearsStearns管理嘅對冲基金點解要去開曼群島清盤，而唔係留喺花旗國？因為想債權人難以充公資產。點解要債權人難攞啲？因為如果債權人攞咗對冲基金啲資產拍賣，而賣價好差，BearsStearns又成手嗰啲貨，BearsStearns分分鐘資不抵債。最好就係冇人知值幾錢，BearsStearns話值幾多就幾多。
金手指網誌： http://phatdat.blogspot.com