獲委任為08年「中國殘奧委會愛心大使」的劉德華，最近為新國語歌《EveryoneisNo.1》填詞，以鼓勵08年參加奧運的中港運動員，以及透過歌聲讓世界關注傷殘運動員。拍攝MV時，華仔要戴着義肢走路，令他體會到傷殘人士之苦。
劉德華早前在北京逗留五天拍攝新歌《EveryoneisNo.1》MV，扮演傷殘運動員，帶出一個勵志感人的故事。MV講述華仔扮演的速遞員，因一次車禍而斷腳，故此他要拍一場被車撞倒，由車頭反彈到地面的鏡頭，另外又要用繃帶纏着左腿兩天，及後又要戴着義肢走路和跑步，十分辛苦，華仔對此笑說：「拍呢個MV比拍古裝武打片仲辛苦。」
膝頭磨得紅腫
今次扮傷殘運動員，讓華仔體會到傷殘人士在生活上的不便和困難，感受一般人無法體會的傷痛，他說：「當你係一個正常人時，你會認為義肢就可以幫助到傷殘人士，但我試過後可以講畀大家聽，其實唔容易呀，義肢係身體以外嘅另一部份，我拍戲每日戴幾個鐘，膝頭已經磨得紅腫，而且好難平衡。」
華仔續說：「一個傷殘人士要喺人生中再次站起嚟所付出嘅血同汗，我今日完全體會到，佢哋嗰種生命戰士嘅無敵精神，比任何一種精神更值得我尊敬，身體嘅痛係其次，要戰勝心靈上嘅痛真係要無比勇敢。」
痛得大叫停機
為了演得逼真，華仔每日把左腳用繃帶纏起近7小時，由於血液不流通以及長期屈起腿，不但令左腳麻痹，更試過拍攝期間抽筋，令他痛苦得大叫停機，要馬上鬆綁休息，華仔說：「麻痹感覺係正常嘅，一個人坐得太耐唔郁動，腳就會麻痹，何況我係被綁起，工作人員見我表情痛苦，仲話逼真㖭，哈哈！到我大叫『停一停！』大家先知道啱啱嘅表情唔係演戲。我覺得真係難為咗啲傷殘人士，平日嘅日常設施中，應該加多啲方便佢哋嘅工具同道路等建設。」
撰文：林妃
