荷甲同英超隊近呢幾日喺荷蘭打友誼賽，但就一啲都唔友誼。上周六阿積士對阿仙奴，阿仙奴球員俾阿積士球員係咁踢，其中尹佩斯仲俾人踢到瞓底，搞到雲格勁唔老利。前日飛燕諾對利物浦亦充滿火藥味，兩隊球員扭作一團，利物浦謝拉特仲趁混亂醒咗飛燕諾盧捷斯一巴。友賽旨在試陣，搞到咁唔愉快，咪踢啦。