車路士喺社區盾射輸12碼，中場薛維爾完場前12分鐘入替，總算喺正式比賽處子登場，但最開心嘅應該係佢父母！原是阿仙奴青年軍嘅薛維爾，勇敢地由雷丁轉投前者宿敵車仔，係受到忠實「車」迷嘅父親大人游說有關；為表支持，爹哋媽咪明知薛維爾唔係正選都買飛入場，幸好囝囝有份落場，不致空歡喜一場！