中國人傳統認為女性要稍為肥胖，俗稱珠圓玉潤才有福氣，但時至今日，大多數人覺得瘦才是美，網友「joyyy」就在網上提出了「多數男仔鍾意女仔有少少肥定係瘦？」的問題，「joyyy」說：「雖然潮流趨勢係瘦嘅女生才漂亮，大多數女生覺得點呢？」
他質疑在男仔心目中，瘦女未必是靚，「𠵱家啲女仔一個二個都想瘦，好多都認為男仔都唔鍾意肥妹仔，但係我喺街上面又見到有啲幾靚仔嘅男仔，他們的女友都唔係好瘦，都有少少babyfat，咁究竟男仔係鍾意啲有少少肉地嘅女仔，定係骨感嘅呢？」
會隨年齡改變口味
網友對此問題討論熱烈，「hong1611」說：「有少少肉會好啲，好得意，太瘦就真係好恐怖咁。」網友「intersonic」表示，「我自己瘦，所以喜歡瘦嘅女仔。」網友「鐵板蕉」愛「少少肉地」，「太瘦其實唔係太好睇。」，「vin0」說：「大部男性20歲前鍾意瘦，20歲後鍾意少少肥，30歲後鍾意身材豐滿。」不過他沒有解釋為何不同年齡男性有不同審美眼光。