請別怪我一邊睇戲一邊流口水，因為電影《五星級大鼠》入面的食物，一汁一醬都好鬼逼真、好鬼好味，唔想齋睇冇得食，可以去TowngasAvenue試吓真實版法國大餐，當中包括連魔鬼食家「梵高森」都動容的法國傳統家鄉菜──普羅旺斯燴菜！
記者：趙珮倩
攝影：楊錦文
Model：Peggy
《五星級大鼠》固然精采，原來當中每道菜都是參考真實菜式製成動畫，「真身」由美國一家頂級米芝蓮餐廳FrenchLaundry炮製。香港的TowngasAvenue就特意為大家再現了這頓五星級大餐，食完仲送2張戲票；睇完好回味？憑票尾惠顧，再請你食多次普羅旺斯燴菜。咁究竟動畫菜同現實版，有幾似？即刻去片……
1)普羅旺斯燴菜加酥皮
相似度:★★★
普羅旺斯（Provence）是法國東南部的一個地區，以前鄉間的人每逢農作豐收都會食餐好，將最靚的瓜瓜菜菜煮埋一齊，叫做Ratatouille，現在成了一味十分傳統的法國家常菜。在戲中，「味王」先以茄醬鋪鍋底，將意大利青瓜、黃瓜、茄子切薄片，再放入焗爐焗，然後上碟。
不過，Towngas版的普羅旺斯燴就加了點創意，將意大利青瓜、黃瓜、茄子、燈籠椒、番茄切粒，放焗爐燴腍，然後再焗一層脹卜卜的酥皮，賣相更討好。吃時篤穿酥皮，濃郁的香草、番茄味即撲鼻而來，瓜菜軟腍多汁，酸酸的，十分醒胃。
2)法式班卓戈9成似！
相似度:★★★★
傳統法式班囗唔會有餡，煎到薄薄，軟綿煙韌，可隨意加topping；而Towngas版的法式班囗就淋上用橙酒煮成的汁，配上橙味雪葩，口味清新，甜而不膩。
3)五星級廚師真人版
相似度:★★
入廚近30年的Towngas總廚Tommy，初入行就在五星級酒店跟法籍大廚學師，廚藝夠正宗。「法國菜講究原汁原味；擺碟亦好嚴謹，一定要將食物放在碟正中央，serve客人時，食物要facetoguest。」傾傾吓，忽覺佢身形瘦削、皮膚黝黑，真有幾分像戲中一位黑人廚師呢！
香煎法國鵝肝配意大利黑醋濃汁
小食一啲都唔小，係大大件的鵝肝，煎至5成熟，外層甘脆，入口即溶，perfect！
芝士忌廉汁扁麵配大蝦
燒新鮮大蝦啖啖肉，甜嫩彈牙，扁麵煮至9成熟，口感軟硬適中，與法式芝士忌廉汁很相襯。
TowngasAvenue（23672713）
地址：尖沙嘴新世界中心地面L030
營業時間：11:30a.m-9:30p.m
座位：70個
環境：有室內及露台花園位，空間感充裕，黃昏景致一流。
