越來越多香港人鍾意食齋，齋舖又越開越多，但打正旗號以日式素食為招徠就比較少見。位於油麻地新開的青亭素食料理，原來是觀塘老字號齋舖菩提林的姊妹店，新店棄做傳統中式齋菜，取而代之的是壽司、和牛卷、叉燒飯、章魚丸子等，當然統統都是齋，但賣相和口感都有8、9成像真度，老闆娘陳太表示：「日式料理煮法比較少油，更加健康，就算要炸，我哋都只會做芥花籽油，而且同正宗齋舖一樣，唔會用蒜頭、洋葱、大蒜、韭菜、亁葱等五辛植物，素食者可以放心！」咁有誠意，難怪開業幾星期，晚市已現人龍。
記者：趙珮倩 攝影：梁細權
雜錦壽司$30/6件
以大豆纖維做成的蝦肉、魚生，賣相8成似真魚生，咬口彈牙，新奇得意。
章魚小丸子$22
以豆腐加入新鮮蔬菜攪碎，燒成章魚小丸子，蘸上日式芥辣，更加香口惹味。
蘆笋和牛卷$28
賣相和口感都有9成似牛肉，原來是黑豆纖維加工而成，加埋沙嗲汁烹調，令「假牛」幾可亂真。
青亭（23848261）
地址：油麻地渡船角文苑街11號文英樓地下
營業時間：11:00a.m-10:30p.m
座位：22個
人均消費：$30-$70
推介：中華叉燒飯、蘆笋和牛卷