日本娛樂節目前日公佈咗上半年嘅廣告女王排名，形象正氣嘅仲間由紀惠手執10張廣告合約，繼續成為女星嘅No.1。青春女星相武紗季以平取勝，以9張廣告合約爆冷排第2。另外，婚後人氣反彈嘅藤原紀香，廣告合約由1張急增至5張，今年秋天仲加多兩份㖭。相反，松浦亞彌同囗原友里今年廣告合約不升反跌，睇怕要諗諗計啦。